உடல் எடையை குறைக்க பலரும் பல விதமான டயட்டுகளை ஃபாலோ செய்து வருகின்றனர். அதிலும் சிலர் காலையில் ஓட்ஸ் சாப்பிடுவதை வழக்கமாக கொண்டுள்ளனர். அந்த ஓட்ஸை டேஸ்டியாகவும், ஹெல்தியாகவும் எப்படி செய்யலாம் என்பதை இப்போது பார்க்கலாம்.
தேவையான பொருட்கள்:
* நெய் – 1 டேபிள் ஸ்பூன்
* கடுகு – 1/2 டீஸ்பூன்
* சீரகம் – 1/2 டீஸ்பூன் * கறிவேப்பிலை – 1 கொத்து
* வெங்காயம் – 1 (பொடியாக நறுக்கியது)
* உப்பு – சுவைக்கேற்ப
* தக்காளி – 2 (பொடியாக நறுக்கியது)
* கேரட் – 1/2 கப் (பொடியாக நறுக்கியது)
* பீன்ஸ் – 1/2 கப் (பொடியாக நறுக்கியது)
* குடைமிளகாய் – 1/4 கப் (பொடியாக நறுக்கியது)
* மஞ்சள் தூள் – 1/4 டீஸ்பூன்
* காஷ்மீரி மிளகாய் தூள் – 1/2 டீஸ்பூன்
* மல்லித் தூள் – 1/2 டீஸ்பூன்
* தண்ணீர் – 1/2 கப்
* ஓட்ஸ் – 2 கப்
* தண்ணீர் – 2 கப்
* கொத்தமல்லி – சிறிது
செய்முறை :
* முதலில் ஒரு வாணலியை அடுப்பில் வைத்து, அதில் நெய் ஊற்றி சூடானதும், கடுகு, சீரகம், கறிவேப்பிலை சேர்த்து தாளிக்க வேண்டும்.
* பின் அதில் பொடியாக நறுக்கிய வெங்காயத்தை சேர்த்து, சிறிது உப்பு தூவி, கண்ணாடி பதத்திற்கு நன்கு வதக்க வேண்டும்.
* பிறகு அதில் தக்காளியை சேர்த்து, வதக்க வேண்டும்.
*பின் அதில் நறுக்கிய கேரட், பீன்ஸ், குடைமிளகாய் சேர்த்து 1 நிமிடம் வதக்கி, பின் 1/2 கப் நீரை ஊற்றி, மூடி வைத்து காய்கறிகளை வேக வைக்க வேண்டும்.
* காய்கறிகள் நன்கு வெந்தவுடன் , அதில் மஞ்சள் தூள், காஷ்மீரி மிளகாய் தூள், மல்லித் தூள் சேர்த்து கிளறி விட வேண்டும்.
* அதன் பின் அதில் ஓட்ஸை சேர்த்து கிளறி, 2 கப் நீரை ஊற்றி பிரட்டி, மூடி வைத்து, 10 நிமிடம் குறைவான தீயில் வேக வைக்க வேண்டும். அவ்வப்போது மூடியைத் திறந்து கிளறி விட வேண்டும்.
* 10 நிமிடம் கழித்து, மூடியைத் திறந்து, அதில் கொத்தமல்லியைத் தூவி கிளறி இறக்கினால், சுவையான வெஜ் மசாலா ஓட்ஸ் தயார்.
