இந்தியாவில் டெங்குவுக்கு எதிராக முதல் முறையாக அனுமதி பெற்ற தடுப்பூசி தான் QDENGA (TAK-003). இதை ஜப்பானின் Takeda நிறுவனம் உருவாக்கியுள்ளது. சமீபத்தில் இந்திய மருந்து கட்டுப்பாட்டு அமைப்பு (DCGI/CDSCO) இந்த தடுப்பூசிக்கு சந்தைப்படுத்தல் அனுமதி வழங்கியுள்ளது.
QDENGA என்றால் என்ன?
- டெங்கு வைரஸின் 4 வகைகளுக்கும் (DENV-1, DENV-2, DENV-3, DENV-4) எதிராக பாதுகாப்பு அளிக்கும் Live Attenuated Tetravalent Vaccine.
- பல ஆண்டுகள் நடைபெற்ற சர்வதேச மருத்துவ ஆய்வுகளின் அடிப்படையில் உருவாக்கப்பட்டது.
யாருக்கு போடலாம்?
இந்தியாவில் தற்போது:
- 4 முதல் 60 வயது வரை உள்ளவர்களுக்கு அனுமதி வழங்கப்பட்டுள்ளது.
எத்தனை டோஸ்?
- மொத்தம் 2 டோஸ்
- முதல் டோஸ் போட்ட 3 மாதங்களுக்குப் பிறகு இரண்டாவது டோஸ் செலுத்த வேண்டும்.
ஏற்கனவே டெங்கு வந்திருந்தால்தான் போட வேண்டுமா?
இல்லை.
QDENGA-வின் முக்கிய சிறப்பு:
- தடுப்பூசி போடுவதற்கு முன் டெங்கு வந்ததா என்பதை ரத்தப் பரிசோதனை செய்து உறுதி செய்ய வேண்டிய அவசியம் இல்லை.
- இதுவே பழைய Dengvaxia தடுப்பூசியுடன் ஒப்பிடும்போது பெரிய முன்னேற்றமாகக் கருதப்படுகிறது.
இது எவ்வளவு பாதுகாப்பு தருகிறது?
மருத்துவ ஆய்வுகளில்:
- உறுதி செய்யப்பட்ட டெங்கு நோயைத் தடுப்பதில் சுமார் 80% செயல்திறன்.
- டெங்கு காரணமாக மருத்துவமனையில் அனுமதிக்க வேண்டிய நிலையைத் தடுப்பதில் 90%க்கும் மேல் செயல்திறன் காணப்பட்டுள்ளது.
100% டெங்கு வராமல் தடுக்குமா?
இல்லை.
இந்த தடுப்பூசி:
- டெங்கு வருவதற்கான அபாயத்தை குறைக்கிறது.
- கடுமையான டெங்கு மற்றும் மருத்துவமனையில் அனுமதிக்க வேண்டிய நிலையை மிகவும் குறைக்கிறது.
- ஆனால் 100% பாதுகாப்பு அளிக்காது.
- கொசுக் கடியிலிருந்து பாதுகாப்பு நடவடிக்கைகள் தொடர்ந்தும் அவசியம்.
இந்தியாவில் எப்போது கிடைக்கும்?
- இந்தியாவில் ஒப்புதல் வழங்கப்பட்டாலும், பொதுமக்களுக்கு 2027 முதல் பாதியில் தனியார் மருத்துவமனைகள் மூலம் முதலில் கிடைக்கும் என Takeda தெரிவித்துள்ளது.
பக்கவிளைவுகள்
பொதுவாக காணப்படக்கூடியவை:
- ஊசி போட்ட இடத்தில் வலி
- லேசான காய்ச்சல்
- தலைவலி
- உடல் சோர்வு
- தசை வலி
பெரும்பாலானவர்களுக்கு இவை சில நாட்களில் சரியாகிவிடும்.
