மாலை நேரத்தில் டீயுடன் சாப்பிட சூப்பரான கோவக்காய் பக்கோடா ரெசிபியை இங்கே பார்க்கலாம். இது பெரியவர்கள் மட்டுமல்லாமல் பள்ளியில் இருந்து வீடு திரும்பும் குழந்தைகளும் விரும்பி உண்ணக்கூடிய ஸ்நாக்ஸ் வகைகளுள் ஒன்று , காய்கறி என்றாலே ஒதுக்கும் குழந்தைகளுக்கு இதுபோல் செய்து கொடுத்தால் விரும்பி சாப்பிடுவார்கள்.
கோவைக்காய் பக்கோடா செய்ய, மெல்லியதாக நறுக்கிய கோவைக்காயுடன் இஞ்சி-பூண்டு விழுது, மிளகாய் தூள், கரம் மசாலா, அரிசி மாவு, கடலை மாவு சேர்த்து கலந்து, சிறிது நேரம் ஊற வைத்து, சூடான எண்ணெயில் பொரித்து எடுத்தால் சுவையான, மொறுமொறுப்பான கோவைக்காய் பக்கோடா தயார்.
தேவையான பொருட்கள்:
கோவைக்காய் – 250 கிராம் (மெல்லியதாக நறுக்கியது)
கடலை மாவு – ½ கப்
அரிசி மாவு – ¼ கப்
இஞ்சி-பூண்டு விழுது – 1 தேக்கரண்டி
மிளகாய் தூள் – 1 தேக்கரண்டி
கரம் மசாலா – ½ தேக்கரண்டி
மஞ்சள் தூள் – ¼ தேக்கரண்டி
உப்பு – தேவையான அளவு
தண்ணீர் – சிறிதளவு
எண்ணெய் – பொரிப்பதற்கு
செய்முறை:
கோவைக்காயை தயார் செய்தல்: கோவைக்காயை நன்கு கழுவி, நீளவாக்கில் மெல்லியதாக நறுக்கிக் கொள்ளவும்.
மசாலா கலவை: ஒரு பாத்திரத்தில் நறுக்கிய கோவைக்காயுடன், இஞ்சி-பூண்டு விழுது, மிளகாய் தூள், கரம் மசாலா, மஞ்சள் தூள், உப்பு சேர்த்து நன்கு கலக்கவும்.
மாவு சேர்த்தல்: இதனுடன் கடலை மாவு, அரிசி மாவு சேர்த்து, சிறிதளவு தண்ணீர் தெளித்து, பக்கோடா மாவு பதத்திற்கு பிசையவும் (அதிக தண்ணீர் சேர்க்க வேண்டாம்).
ஊறவைத்தல்: இந்தக் கலவையை 10-15 நிமிடங்கள் ஊற வைக்கவும்.
பொரித்தல்: ஒரு கடாயில் எண்ணெய் ஊற்றி சூடாக்கவும். எண்ணெய் காய்ந்ததும், பிசைந்த கோவைக்காய் கலவையை சிறிது சிறிதாக எண்ணெயில் போட்டு பொன்னிறமாகவும், மொறுமொறுப்பாகவும் மாறும் வரை பொரித்தெடுக்கவும்.
சூடான கோவைக்காய் பக்கோடாவை சட்னி அல்லது சாஸுடன் சேர்த்து பரிமாறவும்.
