நீண்ட காலம் பிரதமர் பதவி வகித்தவர் பட்டியலில், இந்திரா காந்தியை பின்னுக்குத் தள்ளி, 2வது இடத்திற்கு பிரதமர் மோடி முன்னேறியுள்ளார். ஜனவரி 24ம் தேதி, 1966ம் ஆண்டு முதல் மார்ச் 24ம் தேதி, 1977ம் ஆண்டு வரை 4077 நாட்கள் தொடர்ச்சியாகப் பிரதமராக இருந்த இந்திராவின் சாதனையை இன்று பிரதமர் மோடி முறியடித்துள்ளார்.
முதல் இடத்தில் உள்ள ஜவஹர்லால் நேரு 16 ஆண்டுகள், 286 நாட்கள் இடைவெளி இல்லாமல் மிக நீண்ட காலம் பதவி வகித்தவர் என்ற சாதனையைப் படைத்துள்ளார். சுதந்திரத்திற்குப் பிறகு மோடி, காங்கிரஸ் அல்லாத பிரதமரில் மிக நீண்ட காலம் பணியாற்றியவர் மற்றும் உயர் பதவியில் இரண்டு முழு பதவிக்காலங்களை நிறைவு செய்துள்ளார்.
