சென்னை, கொச்சின் ஹவுஸ் காவலர் குடியிருப்பு வளாகத்தில் ரூ.186.51 கோடி செலவில் கட்டப்பட்டுள்ள 1036 காவலர் குடியிருப்புகளை முதல்வர் மு.க.ஸ்டாலின் திறந்து வைத்து, 5 காவலர்களின் குடும்பத்தினருக்கு குடியிருப்புக்கான சாவிகளை வழங்கினார்.
மேலும், உள்துறை சார்பில் ரூ. 36.52 கோடி செலவில் 32 காவலர் குடியிருப்புகள், 4 காவல் நிலையங்கள், 2 காவல் துறை கட்டடங்கள், சிறைகள் மற்றும் சீர்திருத்தப் பணிகள் துறை பணியாளர்களுக்கான 11 குடியிருப்புகள், தீயணைப்பு மற்றும் மீட்புப்பணியாளர்களுக்கான 80 குடியிருப்புகள், 3 தீயணைப்பு மற்றும் மீட்புப்பணி நிலையங்கள் மற்றும் 1 தீயணைப்பு மற்றும் மீட்புப்பணிகள் துறைக்கான பாசறை, ரூ. 55.19 கோடி செலவில் “உங்கள் சொந்த இல்லம்” திட்டத்தின் கீழ் கட்டப்பட்டுள்ள 253 வீடுகள் ஆகியவற்றையும் திறந்து வைத்தார். மேலும் குடியிருப்புகளை பார்வையிட்டு, காவலர் குடும்பத்தினருடன் கலந்துரையாடினார்.
