இலந்தை பழம் உடலுக்கு வலிமை அளிக்கிறது. பள்ளிக்கூடங்களின் வெளியே ஸ்னாக்ஸாக விற்கப்படும் இந்த பழம், நம் முன்னோர்களால் காலம் காலமாக ஸ்னாக்ஸாக பயன்படுத்தப்பட்டது. இலந்தை பழம் உடலுக்கு நன்மை அளிக்கும் ஊட்டச்சத்துகளால் நிறைந்தது, ஆனால் இன்றைய சிறுவர்கள் அதை அதிகம் விரும்பவில்லை. ஏனெனில் அந்த பழம் அவர்கள் விரும்பும் வகையில் அமையவில்லை. ரசாயன கலப்பில்லாமல் ஆரோக்கியமாக வளரும் இந்த இலந்தை பழங்கள் வருடத்தில் சில காலங்கள் மட்டுமே கிடைக்கின்றன. இவற்றை முறையாக பயன்படுத்தினால், பல நோய்களிலிருந்து நம்மை காக்க முடியும்.
இலந்தை பழம் நிறைந்துள்ள விட்டமின் சி சத்துக்கள் உடலில் வைட்டமின் சி அளவை அதிகரித்து, நோய் எதிர்ப்பு சக்தியை மேம்படுத்தும். விட்டமின் சி குறைபாடு ஏற்படும் ரத்த ஈறு நோய்களைத் தடுத்து, பற்களை ஆரோக்கியமாக வைத்திருக்க உதவும். இது சளி, இருமல், பூஞ்சை தொற்றுகள் மற்றும் சரும நோய்கள் போன்றவற்றைத் தடுக்கும். முகப்பொலிவு மேம்படுத்தி, தலைமுடிகள் வளர்ச்சிக்கும் உதவும்.
இலந்தை பழம் ஜீரண மண்டலத்தை காக்கும், அல்சர் முதல் கேன்சர் வரையிலான நோய்களைத் தடுக்கும். சர்க்கரை நோய் மற்றும் உயர் ரத்த அழுத்தம் உள்ளவர்களின் ரத்தக்குழாயில் கெட்ட கொழுப்புகளை கரைத்து, நல்ல ரத்த ஓட்டத்தை ஏற்படுத்தும். இது இதய நோய்களைத் தடுக்க உதவும்.
இலந்தை பழம் ஞாபக சக்தியை அதிகரிக்கும். குழந்தைகள் முதல் பெரியவர்கள் வரை ஞாபக சக்தி குறைபாடுகளை தீர்க்க உதவும். மூளை செயல்பாட்டினை மேம்படுத்தி, ஞாபக மறதி போன்ற நோய்களுக்கு தீர்வாக அமையும். வளரும் குழந்தைகளுக்கு இந்த பழத்தை ஜூஸாகவோ அல்லது உணவில் சேர்த்து கொடுத்து வந்தால், அவர்களின் ஞாபக சக்தி மேம்படுத்தி, உடலுக்கு தேவையான ஊட்டச்சத்துகளை அளித்து, முழு உடல் ஆரோக்கியத்தை பெற உதவும். இதில் அதிகமான கால்சியம், பாஸ்பரஸ், இரும்புச்சத்து போன்ற நுண்ணூட்டச் சத்துக்கள் உள்ளன, இதனால் அவர்கள் முழு வளர்ச்சியையும் நோயற்ற திறனையும் அடைவார்கள்.
அதிகப்படியான நார்ச்சத்து கொண்ட உணவுகள் உடல் பருமனை குறைக்க உதவும், கெட்ட கொழுப்புகளை கரைத்து, நல்ல கொழுப்புகளின் அளவை சரிசெய்யும். இது தொப்பையை குறைத்து, உடலை மெலியச் செய்து, ஆரோக்கியமான தேகத்தை அடைய உதவும்; உடலும் சுறுசுறுப்பாக இருக்கும்.
வயிற்றுக் கோளாறுகளை சரிசெய்யும் பழங்கள், அல்சர் முதல் செரிமான கோளாறுகள் வரை உள்ளவர்களுக்கு செரிமான திறனை அதிகரிக்கும். வயிற்றுப் புண்களைத் தடுக்கவும், வயிறு உப்பசம் மற்றும் மந்த நிலை தொந்தரவுகளை நீக்கவும் உதவும். சிறியவர்கள் முதல் பெரியவர்கள் வரை இந்த பழங்களை உண்டு வந்தால், மலச்சிக்கல் இல்லாமல் சந்தோஷமாக வாழலாம். நம் முன்னோர்கள் பயன்படுத்திய பழங்களில் ஒன்றான எலந்த பழம், நன்மைகள் நிறைந்ததும், விலை மலிவாக கிடைக்கக்கூடியதும் ஆகும். இதை உணவில் சேர்த்து பல நன்மைகளை பெறலாம்.
