ஆர்த்ரைடிஸ் (Arthritis) என்பது மூட்டுகளை பாதிக்கும் ஒரு பொதுவான நோயாகும். இதில் மூட்டுகளில் வலி, வீக்கம், இறுக்கம் மற்றும் அசைவில் சிரமம் போன்ற அறிகுறிகள் காணப்படும். குறிப்பாக காலையில் எழுந்தவுடன் மூட்டுகள் கடினமாக உணரப்படும். வயது அதிகரிப்பு, உடல் எடை அதிகம், மரபணுக் காரணங்கள், காயங்கள் மற்றும் விட்டமின் குறைபாடுகள் போன்றவை ஆர்த்ரைடிஸ்க்கு காரணமாக இருக்கலாம். இந்த நோய் முழுமையாக குணமாகாவிட்டாலும், சரியான உடற்பயிற்சி, சத்தான உணவு, எடை கட்டுப்பாடு மற்றும் மருத்துவரின் ஆலோசனையுடன் நல்ல முறையில் கட்டுப்படுத்தி, சாதாரண வாழ்க்கையை நடத்த முடியும்.
முழங்கால் வலி வருவதற்கு பொதுவான காரணங்கள் பல இருக்கலாம்.
முழங்கால் வலி வரக் காரணங்கள்
அதிக வேலை / அதிக நடப்பு – நீண்ட நேரம் நடப்பது, நிற்பது, படிகள் ஏறுவது
தவறான உட்காரும் முறை – மடக்கி உட்காருதல், தரையில் நீண்ட நேரம் அமருதல், அடிக்கடி குனிதல்
தசை பலவீனம் – தொடை மற்றும் கால் தசைகள் பலம் குறைவாக இருப்பது
சிறிய காயம் – திடீரென திரும்புதல், வழுக்கி தவறுதல்
எடை அழுத்தம் – உடல் எடை அதிகமாக இருந்தால் முழங்காலுக்கு அதிக சுமை
விட்டமின் குறைபாடு – Vitamin D, Calcium குறைவால் மூட்டு வலி
வளர்ச்சி வயது காரணம் (டீன்ஸ்) – எலும்பு–தசை மாற்றங்களால் வலி ஏற்படலாம்.
மூட்டுவலிக் கொடுமையால் அவதிப்படுபவர்களுக்கு ஒரு நற்செய்தி! வயதான காலத்தில் தேய்ந்து போகும் குருத்தெலும்புகளை (Cartilage) மீண்டும் வளரச் செய்து, மூட்டுவாதம் எனப்படும் ஆர்த்தரைடிஸ் (Arthritis) பாதிப்பை முற்றிலும் குணப்படுத்தும் புதிய வழிமுறையை ஸ்டான்போர்ட் பல்கலைக்கழக விஞ்ஞானிகள் கண்டுபிடித்துள்ளனர். பொதுவாகக் குருத்தெலும்புகள் சேதமடைந்தால் அவை தானாக வளராது என்ற நிலை இருந்த நிலையில், இந்த ஆய்வு முடிவுகள் மருத்துவ உலகில் ஒரு புரட்சிகரமான மாற்றமாகப் பார்க்கப்படுகிறது. இதன் மூலம் அறுவை சிகிச்சை இல்லாமலேயே மூட்டுத் தேய்மானத்தைச் சரிசெய்ய முடியும் என்ற நம்பிக்கை பிறந்துள்ளது.
