குப்பைகளை தரம் பிரிப்பது தொடர்பாக விழிப்புணர்வு குறும்படத்தில் நடிகர் யோகிபாபு தூய்மை பணியாளர் வேடத்தில் சென்னையில் வீடு வீடாகச் சென்று குப்பைகளை சேகரித்தார்.
சென்னை மாநகராட்சி பல்வேறு விழிப்புணர்வு நிகழ்வுகளை நடத்தி வருகிறது. அதன் தொடர்ச்சியாக, குப்பைகளை தரம் பிரித்து கொடுப்ப தொடர்பாக, சென்னையில் குப்பைகளை சேரித்து வரும் உர்பேசர் ஸ்மித் தனியார் நிறுவனம் சார்பில், குப்பைகளை தரம் பிரித்து வழங்குவது தொடர்பாக விழிப்புணர்வு குறும்படம் தயாரிக்கப்பட்டு இருக்கிறது.
இப்படத்தில் நகைச்சுவை நடிகர் யோகி பாபு தூய்மைப் பணியாளராக நடித்துள்ளார். இந்த குறும்பட படப்பிடிப்பில் யோகி பாபு கலந்து கொண்டு வீடு வீடாகச் சென்று குப்பைகளை தரம் பிரித்து வாங்கினார். மேலும் தூய்மை பணியாளர்கள் போன்று சீருடை அணிந்து, 3 சக்கர வாகனத்தை ஓட்டிச் சென்று பொதுமக்களிடம் குப்பைகளை தரம் பிரித்து வாங்கினார்.
