கேரள மாநிலம் மலப்புறம் மாவட்டம் புளிக்கல்லில், பார்ப்பவர்களின் நெஞ்சைப் பதறவைக்கும் அதேவேளையில் மனிதநேயத்தை உறைக்கச் செய்யும் நெகிழ்ச்சியான ஒரு சம்பவம் அரங்கேறியுள்ளது. இங்குள்ள ஒரு பரபரப்பான பிரதான சாலையில், பெற்றோரின் கவனக்குறைவால் தவழ்ந்து வந்த ஒரு பால் குடிக் குழந்தை திடீரென நடுரோட்டிற்கு வந்துள்ளது.
அப்போது அந்தச் சாலையில் வந்து கொண்டிருந்த ஒரு தனியார் பேருந்தின் ஓட்டுநர், சாலையின் நடுவே குழந்தை தவழ்வதைக் கண்டு சற்றும் யோசிக்காமல் மிகச் சரியான நேரத்தில் சாதுரியமாகப் பிரேக் போட்டுப் பேருந்தை நிறுத்தினார். உடனடியாகப் பேருந்தின் நடத்துனர் நவாஸ் கீழே குதித்து ஓடிச் சென்று, நடுரோட்டில் இருந்த அந்தப் பிஞ்சுக் குழந்தையைப் பத்திரமாகத் தூக்கிக் காப்பாற்றி அதன் பெற்றோரிடம் ஒப்படைத்தார்; அதன் பிறகுதான் தங்களின் குழந்தை தவழ்ந்து ரோட்டிற்கு வந்த விஷயமே அந்தப் பெற்றோருக்குத் தெரிந்து அதிர்ந்து போயுள்ளனர்.
ஒரு நொடி அசாத்தியமான நேரத்தில், தங்களின் கடமையை மீறி அர்ப்பணிப்புடன் செயல்பட்டு ஒரு மழலையின் உயிரைக் காப்பாற்றிய அந்தப் பேருந்து ஓட்டுநர் மற்றும் நடத்துனர் நவாஸ் ஆகிய இரு ‘கேரள சேட்டன்களின்’ இந்த மனிதாபிமானச் செயல் இணையதளங்களில் மிக வேகமாக வைரலாகி வருவதுடன், உலகெங்கிலும் உள்ள மக்களின் பாராட்டுகளையும் வாழ்த்துகளையும் குவித்து வருகிறது.
