உலக மிஸோஃபோனியா விழிப்புணர்வு நாள், சில குறிப்பிட்ட ஒலிகளால் மனிதர்களுக்கு ஏற்படும் தீவிர மன உளைச்சல் மற்றும் உணர்திறன் குறித்த விழிப்புணர்வை உலகெங்கும் ஏற்படுத்துகிறது.
‘மிஸோஃபோனியா’ என்பது ஒரு நரம்பியல் சார்ந்த பாதிப்பாகும்; இதில் ஒரு நபர் சாப்பிடும் போது மெல்லும் சத்தம், பக்கத்தில் இருப்பவர் மூச்சு விடும் சத்தம், பேனா முனையைத் தட்டும் சத்தம் அல்லது தட்டச்சு செய்யும் சத்தம் போன்ற அன்றாட எளிய ஒலிகளைக் கேட்கும் போது, அவர்களுக்குக் கட்டுப்படுத்த முடியாத கோபம், எரிச்சல், பதற்றம் அல்லது அந்த இடத்தை விட்டு ஓடிவிடலாம் போன்ற தீவிரமான உணர்வுகள் சட்டென்று தோன்றும்.
இது சாதாரண வெறுப்பு அல்ல, மாறாக மூளையின் உணர்ச்சிப் பகுதி இந்த ஒலிகளுக்குத் தவறான முறையில் மிகத் தீவிரமாக எதிர்வினையாற்றுவதால் ஏற்படுகிறது. இதனால் பாதிக்கப்பட்டவர்கள் சமூக வாழ்க்கையிலும், குடும்பத்தினரிடமும், அலுவலகத்திலும் பல சவால்களைச் சந்திக்க நேரிடுகிறது.
பல நேரங்களில் சுற்றியிருப்பவர்கள் இதனைப் புரிந்து கொள்ளாமல், அவர்கள் சும்மா பிடிவாதம் பிடிப்பதாகவோ அல்லது ஓவர் ரியாக்ட் செய்வதாகவோ தவறாக நினைப்பதுண்டு.
எனவே, இந்த பாதிப்பு உள்ளவர்களின் நிலையைப் புரிந்து கொண்டு, அவர்களுக்குத் தேவையான ஆதரவையும், அமைதியான சூழலையும் தருவதோடு, இதற்கான நவீன சிகிச்சைகள் மற்றும் ஆலோசனைகள் பற்றிய விழிப்புணர்வைச் சமுதாயத்தில் பரப்புவதே இந்நாளின் முக்கிய நோக்கமாகும்.
