சீனாவின் ஷான்சி (Shanxi) மாகாணத்தில் உள்ள ஒரு குடியிருப்பு வளாகத்தில், கோடை வெப்பத்தைத் தணிப்பதற்காக ‘ரூஃப்டாப் மிஸ்ட்-கூலிங்’ (Rooftop mist-cooling system) எனப்படும் கூரைப்பகுதியில் பனிமூட்டம் போன்ற நீர்த்துளிகளைத் தெளிக்கும் புதிய தொழில்நுட்ப முறை அறிமுகப்படுத்தப்பட்டுள்ளது.
இந்த நவீன அமைப்பானது, இயக்கப்பட்ட சில நிமிடங்களிலேயே அந்தப் பகுதியின் மேற்பரப்பு வெப்பநிலையை 5 முதல் 8 டிகிரி செல்சியஸ் வரை சட்டென்று குறைத்து விடுகிறது. தகிக்கும் கோடை வெயிலைச் சமாளிக்கவும், குளிர்சாதன வசதிகளுக்கான மின்சாரப் பயன்பாட்டைக் குறைக்கவும் சீனர்கள் கையாண்டுள்ள இந்த அதிநவீனக் கண்டுபிடிப்பு தற்போது உலகளவில் பெரும் கவனத்தைப் பெற்றுள்ளது.
