இனி டிரைவிங் லைசன்ஸ் காலாவதியானால் அதை ஆன்லைன் மூலமாகவே புதுப்பிக்க முடியும். எனவே உங்களிடம் இருசக்கர வாகனமோ அல்லது நான்கு சக்கர வாகனமோ இருந்தால், உங்களது ஓட்டுநர் உரிமத்தை ஆன்லைன் மூலமாகப் புதுப்பிக்கலாம்.
1) ஆன்லைன் மூலமாக உங்களது ஓட்டுநர் உரிமத்தைப் புதுப்பிக்க, போக்குவரத்துத் துறையின் வலைத்தளத்தைப் பார்வையிட வேண்டும். இதோ அந்த வெப்சைட் – https://parivahan.gov.in/.
2) இதில் உள்நுழைந்த பிறகு, online service என்பதை கிளிக் செய்ய வேண்டும். அதன் பிறகு டிரைவிங் லைசன்ஸ் தொடர்பான சேவையில் செல்லவும்.
3) இப்போது புதிய பக்கம் ஒன்று திறக்கும். அதில் நீங்கள் விண்ணப்பிக்க விரும்பும் இடத்திலிருந்து உங்கள் மாநிலத்தை தேர்வு செய்ய வேண்டும்.
4) மாநிலத்தைத் தேர்வுசெய்த பிறகு ஓப்பன் ஆகும் புதிய பக்கத்தில் ஓட்டுநர் உரிமம் புதுப்பிக்கும் விருப்பத்தை நீங்கள் தேர்வு செய்ய வேண்டும்.
5) ஓட்டுநர் உரிமப் புதுப்பித்தலைக் கிளிக் செய்த பிறகு, ஒரு புதிய பக்கம் திறக்கப்படும். அதில் நீங்கள் என்னென்ன ஆவணங்களைச் சமர்ப்பிக்க வேண்டும் என்பது குறித்த தகவல் உங்களுக்கு வழங்கப்படும். அதன் பின்னர் submit என்பதைக் கிளிக் செய்ய வேண்டும்.
6) ஓட்டுநர் உரிமம் தொடர்பான தகவல்களை நிரப்பி, தேவையான ஆவணத்தை ஸ்கேன் செய்து பதிவேற்ற வேண்டும்.
7) ஆவணங்களை பதிவேற்றிய பிறகு, உங்களது ஸ்கேன் செய்யப்பட்ட புகைப்படத்தையும் கையொப்பத்தையும் பதிவேற்ற வேண்டும்.
8) இதற்குப் பிறகு கட்டணம் செலுத்தும் பக்கம் திறக்கும். அதில் நீங்கள் ஆன்லைன் மூலமாகக் கட்டணம் செலுத்தலாம்.
9) கட்டணம் செலுத்திய பிறகு ஒரு ரசீது கிடைக்கும். அதை நீங்கள் பதிவிறக்கம் செய்து வைத்துக்கொள்ளலாம்.
