ரயில் பயணங்களின் போது டிக்கெட் பரிசோதகர்கள் சோதனையிடும் சமயத்தில், பயணிகள் தங்களின் வாட்ஸ்அப் (WhatsApp) மூலம் பெறப்பட்ட பயணச்சீட்டின் படம் அல்லது ஸ்கிரீன்ஷாட்டை (Screenshot) செல்லுபடியாகும் பயண ஆதாரமாகக் காட்ட முடியாது என்று இந்திய ரயில்வே அதிரடியாகத் தெளிவுபடுத்தியுள்ளது.
முன்பதிவு செய்யப்பட்ட டிக்கெட்டுகளுக்குப் பதிலாகப் பகிரப்படும் இத்தகைய புகைப்படங்கள் போலியானவையாக இருக்க வாய்ப்புள்ளதால், முறைகேடுகளைத் தடுக்கும் பொருட்டு இந்த நடவடிக்கை எடுக்கப்பட்டுள்ளது.
எனவே, பயணிகள் ரயில் நிலையங்களுக்கு வரும்போது தங்களின் அசல் ஆன்லைன் டிக்கெட் (e-Ticket) நகல், ஐஆர்சிடிசி (IRCTC) செயலி அல்லது அங்கீகரிக்கப்பட்ட குறுஞ்செய்தி (SMS) ஆகியவற்றுடன், அரசு வழங்கிய ஏதேனும் ஒரு அசல் அடையாள அட்டையையும் (ID Proof) உடன் வைத்திருக்குமாறு அறிவுறுத்தப்படுகிறார்கள்.
