மயில்சாமியின் பிகில் ராயப்பன் தோற்றம் – இணையத்தில் வைரலாகும் புகைப்படங்கள்
நடிகர் மயில்சாமி, இவர் தமிழ்த் திரைப்படங்களில் காமெடி மற்றும் குணச்சித்திரக் கதாபாத்திரங்களில் நடித்து பிரபலமானவர். இவர் எம்.ஜி.ஆரின் தீவிர ரசிகர். அவ்வப்பொழுது அரசியல் நிகழ்வுகள் குறித்து தொடர்ச்சியாகக் கருத்து தெரிவித்து வருபவர். மேலும், பல்வேறு தொலைக்காட்சி விவாதங்களிலும் கலந்துகொண்டு பேசியுள்ளார்.
இந்நிலையில் இவர் சமீபத்தில் போட்டோ ஷூட் ஒன்றை நடத்தியுள்ளார். இதைப்பார்த்த ரசிகர்கள் பிகில் படத்தில் விஜய் நடித்த ராயப்பன் கதாபாத்திரம் போல் இருப்பதாக கமெண்ட் செய்து வருகிறார்கள். பிரபல காஸ்ட்யூம் டிசைனர் சத்யா, மயில்சாமியின் தோற்றத்திற்கு வடிவமைத்திருக்கிறார். இந்த புகைப்படங்கள் ரசிகர்களை வெகுவாக கவர்ந்து சமூக வலைத்தளத்தில் வைரலாகி வருகிறது.
