தேசிய பிரஸ் கவுன்சில் ஆஃப் இந்தியா தொடங்கப்பட்ட நவ. 16-ம் நாள்தான், தேசிய பத்திரிகையாளர் தினமாக 1996-ம் ஆண்டு முதல் கொண்டாடப்பட்டு வருகிறது.
அதாவது உலகெங்கிலும் பல பத்திரிகைகள் அல்லது ஊடக கவுன்சில்கள் இருந்தாலும், இந்திய பத்திரிக்கை கவுன்சில் ஒரு தனித்துவமான நிறுவனமாகும்.
இது சுதந்திரத்தை பாதுகாப்பதற்கான கடமையில் அதிகாரம் செலுத்தும் அமைப்பு ஆகும். பத்திரிகைத் துறையில் தொழில்முறை நெறிமுறைகளைப் பேணுவதற்கான சட்டரீதியான அதிகாரம் கொண்ட நோக்கத்திற்காக இந்திய பத்திரிகை கவுன்சில் 16 நவம்பர் 1966 நிறுவப்பட்டது.
இந்தியா விடுதலை பெற்றபின் பத்திரிக்கை சுதந்திரத்துக்கும் விடிவுகாலம் பிறந்தது எனலாம். அதன்பின் உருவான இந்திய அரசியலமைப்பு சட்டம், மக்களாட்சியில் எழுத்துரிமையையும் பேச்சுரிமையையும் அடிப்படை உரிமைகளாக அறிவித்தது.
அரசின் அதிகாரப்பூர்வ அறிவிப்புகளை வெளியிடுவது மட்டுமின்றி, மக்களின் பிரச்னைகளை அரசிற்கும் சமூகத்திற்கும் வெளிப்படைத்தன்மையுடன் கொண்டு சேர்ப்பதிலும், நாட்டில் நிலவும் குற்றங்கள், மோசடிகள், ஊழல்கள் போன்றவற்றை பிரதிபலிக்கும் கண்ணாடியாகவும் ‘இன்வெஸ்டிகேஷன் ஜெர்னலிசம்’ விளங்குகிறது.
கொஞ்சம் விரிவாக சொல்வதானால் இந்திய பிரஸ் கவுன்சில் என்பது 1966 ஆம் ஆண்டில் பாராளுமன்றத்தால் உருவாக்கப்பட்ட ஒரு சட்டரீதியான, தீர்ப்பளிக்கும் அமைப்பாகும். இது 1978 ஆம் ஆண்டின் பத்திரிகைக் கவுன்சில் சட்டத்தின் கீழ் செயல்படும் பத்திரிகைகளின் சுய கட்டுப்பாட்டு கண்காணிப்புக் குழுவாகும்.
சபைக்கு ஒரு தலைவர் இருக்கிறார் – பாரம்பரியமாக, ஓய்வுபெற்ற உச்ச நீதிமன்ற நீதிபதி மற்றும் இந்தியாவில் செயல்படும் செய்தித்தாள்கள், தொலைக்காட்சி சேனல்கள் மற்றும் பிற ஊடகங்களால் பரிந்துரைக்கப்பட்ட 28 கூடுதல் உறுப்பினர்கள் ஊடக உறுப்பினர்களாக உள்ளனர்.
28 உறுப்பினர் குழுவில், 5 பேர் இந்திய நாடாளுமன்றத்தின் கீழ் சபை (மக்களவை) மற்றும் மேல் சபை (மாநிலங்களவை) உறுப்பினர்களாக உள்ளனர்,
மேலும் மூன்று பேர் இலக்கிய மற்றும் சட்டத் துறையை சாகித்ய அகாடமி, பல்கலைக்கழக மானிய ஆணையம் மற்றும் இந்திய பார் கவுன்சில் ஆகியவற்றின் வேட்பாளர்களாக பிரதிநிதித்துவப் படுத்துகின்றனர்.
அந்த வகையில் ஜனநாயகத்தைக் கட்டிக் காப்பதில் முக்கியப் பங்காற்றும் ஊடகம், இணையம் மற்றும் தொலைக்காட்சியின் பணிகளைக் கவுரவிக்க தேசிய பத்திரிகை தினம்கொண்டாடப்படுகிறது.
