பழம்பெரும் நடிகை சரோஜா தேவி காலமானார்!

பழம்பெரும் நடிகை சரோஜா தேவி(87) வயதுமூப்பு காரணமாக பெங்களூரு மல்லேஸ்வரதில் உள்ள அவரது வீட்டில் உயிரிழந்தார். பெங்களூரில் ஜனவரி 7, 1938 அன்று பிறந்த நடிகை பி. சரோஜா தேவி, கன்னடம், தமிழ், தெலுங்கு மற்றும் இந்தி உள்ளிட்ட பல மொழித் திரைப்படங்களில் நடித்திருந்தாலும், தமிழ் சினிமாவில் அவர் தனக்கென ஒரு தனி இடத்தைப் பிடித்துக்கொண்டார். 

17 வயதில் கன்னட திரைப்படமான மகாகவி காளிதாசா (1955) மூலம் அறிமுகமானார். நாடோடி மன்னன் (1958)  படத்தின் மூலம்  தமிழ் சினிமாவில் முன்னணி நடிகையாக வலம்வர தொடங்கினார். 1955 மற்றும் 1984 க்கு இடையில் 29 ஆண்டுகளில் துணை வேடங்களில் நடிக்காமல் தொடர்ச்சியாக 161 படங்களில் முன்னணி கதாநாயகியாக நடித்ததன் குறிப்பிடத்தக்க சாதனையை அவர் படைத்துள்ளார்.

நடிகர் திலகம் சிவாஜி கணேசன் நடித்த தங்கமலை ரகசியம் (1957) என்ற தமிழ் திரைப்படம் அவருக்கு தமிழ் திரையுலகில் ஒரு வாய்ப்பை ஏற்படுத்திக்கொடுத்தது. இப்படத்தில் பரத நாட்டிய கலைஞர் பத்மா சுப்ரமணியத்தின் உதவியுடன் நடனமாடி தனது நடன திறமையை வெளிப்படுத்தினார். 

எம்.ஜி.ஆர் – சரோஜா தேவி ஜோடி:

எம்.ஜி.ஆரின் நாடோடி மன்னன் (1958) திரைப்படம் இவரை தமிழ் திரையுலகின் முன்னணி நடிகைகளில் ஒருவராக நிலைநிறுத்தியது.
எம்.ஜி.ஆருடன் 26 படங்களில் ஜோடியாக நடித்தார்.

நாடோடி மன்னன் (1958), திருடாதே (1961), தாய் சொல்லை தட்டாதே (1961), பாசம் (1962), குடும்ப தலைவன் (1962), மாடப்புறா (1962), தாயை காத்த தனயன் (1963), தர்மம் தலை காக்கும் (1963), நீதிக்குப்பின் பாசம் (1963), தெய்வத்தாய் (1964), படகோட்டி (1964), ஆசை முகம் (1965), நாடோடி (1966), தாலி பாக்கியம் (1966), நான் ஆணையிட்டால் (1966), பெற்றால்தான் பிள்ளையா (1966) மற்றும் அரசா கட்டளை (1967) போன்ற படங்கள் இவர்களின் வெற்றிகரமான ஜோடியின் அடையாளமாக அமைந்தன.
குறிப்பாக, பணக்காரப் பெண் வேடங்களில் அவர் சிறப்பாக நடித்தார்: பணத்தோட்டம் (1963), பெரிய இடத்து பெண் (1963), பணக்கார குடும்பம் (1964), என் கடமை (1964), தாயின் மடியில் (1964), எங்க வீட்டுப் பிள்ளை (1965), கலங்கரை விளக்கம் (1965), அன்பே வா (1966), மற்றும் பறக்கும் பாவை (1966). 

மற்ற முன்னணி நடிகர்களுடன்:

ஜெமினி கணேசனுடன் கல்யாண பரிசு (1959), வாழவைத்த தெய்வம் (1959), எல்லாரும் இந்நாட்டு மன்னர் (1960), கைராசி (1960), பனித்திரை (1961), ஆடிப் பெருக்கு (1962), வாழ்க்கை வாழ்வதற்கே (1964), பாசமும் நேசமும் (1964), மற்றும் திருமணம் (1956), இல்லறமே நல்லறம் (1958), பார்த்திபன் கனவு (1960) போன்ற படங்களில் இணைந்து நடித்தார்.
சிவாஜி கணேசனுடன் பாகப் பிரிவினை (1959), என் தம்பி (1968), அன்பளிப்பு (1969), அஞ்சல் பெட்டி 520 (1969), அருணோதயம் (1971), தேனும் பாலும் (1971), பாரம்பரியம் (1993), மற்றும் ஒன்ஸ் மோர் (1997) போன்ற படங்களில் இணைந்து நடித்துள்ளார். 

கலைமாமணி விருது:

தமிழ்நாடு அரசால் வழங்கப்படும் உயரிய விருதான கலைமாமணி விருதையும் பெற்றுள்ளார். 

பிரபல அடைமொழிகள்:

கன்னடத்தில் “அபிநய சரஸ்வதி” (நடிப்பின் சரஸ்வதி) என்றும், தமிழில் “கன்னடத்து பைங்கிளி” (கன்னடத்தின் கிளி) என்றும் அழைக்கப்படுகிறார். 

சாதனைகள்:

ஆறுதலைமுறைகளுக்கு மேலாக சுமார் 200 படங்களில் நடித்துள்ளார்.

பி. சரோஜா தேவியின் தமிழ் சினிமா பயணம், அவரது திறமை, உழைப்பு மற்றும் மக்கள் மனதில் அவர் பெற்ற நீங்கா இடத்திற்கு ஒரு சான்றாகும். அவர் தமிழ் சினிமா ரசிகர்களால் என்றும் கொண்டாடப்படும் ஒரு நடிகையாகவே இருந்து வருகிறார். பழம்பெரும் நடிகை சரோஜா தேவி(87) வயதுமூப்பு காரணமாக இன்று பெங்களூரு மல்லேஸ்வரதில் உள்ள அவரது வீட்டில் உயிரிழந்தார். இவரது இறப்பு செய்தி கேட்டு முன்னணி நடிகர்களும், ரசிகர்களும் தங்களது ஆழ்த்த இரங்கல்களை தெரிவித்து வருகின்றனர்.