தெலங்கானா மற்றும் அதனை ஒட்டியுள்ள பகுதிகளில் நிலவும் வளிமண்டல மேலடுக்கு சுழற்சியின் காரணமாக, வட ஆந்திரா மற்றும் தெலங்கானாவின் சில பகுதிகளில் பரவலான இடியுடன் கூடிய மழை பெய்ய வாய்ப்புள்ளது.
இன்றைய தினம் முதல் தீபகற்ப மேற்கு கடற்கரை பகுதிகளிலும் மழைப்பொழிவு அதிகரிக்கக்கூடும்.
காற்றில் ஈரப்பதம் அதிகரித்திருப்பதால், தென்மேற்கு பருவமழை தீவிரமடைவதற்கு முன்னதாக, இன்று மற்றும் நாளை வட கடலோரத் தமிழகத்தின் ஒருசில இடங்களில் மிதமானது முதல் பலத்த இடியுடன் கூடிய மழை பெய்வதற்கு 50:50 சதவிகித வாய்ப்புகள் உள்ளன.
அதேநேரம், தென்தமிழகம் மீண்டும் தீபகற்ப இந்தியாவின் மிக வெப்பமான பகுதியாக இருக்கக்கூடும்; எனினும், பிற்பகல் அல்லது இரவு நேரங்களில் பெய்யும் இடிமழை சில இடங்களுக்குக் குளிர்ச்சியான நிம்மதியைத் தரலாம்.
